1/1
қаралды 2061

Ақтоқтының жерленген жері Зеренді ауданы Қызылағаш ауылында. Арқаның ардагері атанған Ақан сері – өзі өмір сүрген дәуір шындығын ән-жыр туындылары арқылы бейнелей білген ұлы суреткер, дарынды композитор. Ақан серінің тірідей айырылған сүйген қызы – Ақтоқты. Бұл – аңызға айналған оқиға. Ақтоқты есімі ақынның шығармаларынан кең орын алды. «Ақ көйлек», «Алтыбасар», «Ғашық жарға», «Тағрипың», «Ж-ға» – Ақтоқтыға арналған махаббат толғаулары.
Ақан қалайда Ақтоқтыны алмақ болды. Ақтоқты ақсақ кісіге ұзатылып отыр екен. Қыздың көңілін күйеуден қайтару үшін Сері сықақ қылып сатиралық өлеңдер шығарады:

Бәрекелді, Ақтоқты, тапқаныңа,
Жібектен шоқ шекеңе таққаныңа.
Бұдан артық Құдайдан не тілейсің,
Шолақ қасқыр түсіпті қақпанына…

Өзінің туындыларында Ақтоқтыны «Қыпша бел, бәйгі кердің жарауындай» дей келіп, «Барлық қыздың туындай асыл еркем», «Тартылған телеграмма сымындай қылып» деп оны ерекше мүсіндейді. Ақтоқтыны жан-жақты суреттей келіп, ол:

Оралдың ақиыгы аңга тартқан,
Шолпанның жұлдызындай таңга тартқан.
Жамбы мен алтын балдақ жарқыраған,
Секілді Үргеніште ханга тартқан, –

деп нәзік сұлудан биік тұлға шығарады. Аңға түсер ақиық сұңқарға, таңғы Шолпанға ұқсатады. Ал сұлу жүзін әмірі күшті ханға ғана сый-таралғы болар жарқыраған жамбыға, асыл алтын балдаққа балайды.
Ғабит Мүсірепов те өзінің «Ақан сері – Ақтоқты» трагедиясында Ақан өмірін оның ескішіл күштерге күресі арқылы суреттейді.

Сізге сондай-ақ ұнауы мүмкін