1/1
қаралды 1078

Шоқан Уәлихановтың жазбаларына сәйкес, Абылай хан он екі әйел алған екен. Абылай ханның әйелінін біреуі ғана қазақ кызы, өзгесінің бәрі – қарақал­пак, қалмақ, қырғыз, өзбек қыздары. Ел мен елді жауластырмайын деп әр жұрттан қыз алған екен. Қырық кыздың, отыз ұлдың әкесі болған. Абылай хан көп уақытын сүйікті жары Өрес ханымға бөліпті. Хан Ала­тау мен Оралтау арасында, Түркістан мен Қызылжардың арасында қалың әскермен жортып жүргенде Өрес ханымды бірге алып жүреді екен.

Жазушы, зерттеуші Жайық Бектұров жазбаларында мынадай деректер кездеседі: «Урюпинка ауылының көнекөз қарттарының айтуынша, бір күні Абылай хан батырларымен Түркістанға бет алады. Жолда Талқара өзенінің жағалауына тоқтауға ұйғарады. Ол жер Дөңгелекқаудың жанында. Ауыл жанында үлкен қара жол бар. Бұл жолды (Қаражолды) кейіннен «Абылай ханнын қара жолы» деп атап кеткен.

Аңыздың айтуынша, Абылай ханға Шайқы Бұрқы бақсы келіпті. Хан одан «Болашақта мені не күтіп түр?» деп сұраған көрінеді. Бақсы: «О, ұлы хан, сүйікті әйелің қайтыс болады, оны осы жерге жерле» деген екен. Бірақ Абылай хан бақсының айтқанын тыңдамай жүре берді. 25 шақырым жол жүрген соң, әйелі Өрес ханым кайтыс болады. Сонда барып Абылай хан бақсының сөздерін еске алып, әйелін бақсы айтқан жерге жерлейді. Содан бері бұл жер «Ханым сүйегі» деп аталып кеткен екен.

Өрес ханым Ақкөл ауданы Урюпинка ауылының батысында жерленген.

 

Сізге сондай-ақ ұнауы мүмкін