1/1
қаралды 1908

Дүйсен би Есенберліұлы – Ақмола облысы Зеренді ауданы Қошқарбай елінің тумасы. Дүйсен би жас кезінде талай жасы үлкен атақты абыз билердің алдынан өтіп, батасын алады. Дүйсен бидің бұл секілді еларалық сипаттағы билігімен катар ұлыс ішіндегі дауларды шешкен билігінен де оның мемлекеттік деңгейдегі парасаттылығы, ойының саралығы мен ниет-тілегінің тазалығы танылады.

Қазақ елінің үш жүзінің бірлікте, тату өмір сүруінің қамын ойлаған қамқоршы болды. Өзін дана, әділ би, аузы дуалы шешен, ішкі және халықаралық күрделі мәселелерді шешуде төреші, жоңғар басқыншыларына табанды қарсылық көрсетуді ұйымдастыру жолында үлкен үлес қосқан озық ойлы қайраткер ретінде таныта білді.

Дүйсен би Абылай хан қоғамындағы сауатты және батыл адам, қиындықтарды оңай шеше алатын, ақыл-кеңес беретін мықты әскери қолбасшы болды. Дүйсен би кезінде ұрпағын Қошқарбай тауының жанына шоғырландырып оның өсіп-өрбуіне жағдай жасаған.
Дүйсен би XVII-XVIII ғасырларда өмір сүрген. Дүйсен би Зеренді ауданы Айдарлы ауылында жерленген.

Сізге сондай-ақ ұнауы мүмкін