Балқадиша Зеренді ауданы Кеңөткел ауылының мұсылмандар зиратында жерленген. 2015 жылы Зеренді ауданының Зеренді ауылының кіреберісінде ескерткіш тұрғызылды.

Ақанның сал-серілік кұрып, ауыл-ауылдарды аралап жүрген кезі. Күндердің күнінде Ақан сері Ыбырай деген аты баршага танымал кісінің ауылына ат басын бұрып, шілдехана тойының үстінен түседі. Ауылға серінің келгендігін естіген халық оған ілтипат білдіріп, қошемет көрсетеді. Алайда төрде отырған Ақанның маңына ешкім отырмайды. Бұл ел аузында Ақан сері туралы алып-қашпа сөздердің кеңінен етек алған тұсы еді. Ақанның қиялға беріліп, жын-перілермен қатысы барын алға тартып, жас қыздар серіден үрейленген. Ақын да, қыздар да өздерін жайсыз сезініп, отырыстың берекесі кашқандай болады. Осы кезде Қадиша қыз «Сері ағамның жанына мен отырайын» деп Ақан¬ның жанына жайғасады. Мұны естіген Ақанның көңілі жай тауып, іштей бойжеткенге риза болады. Отырыста әндер орындалып, зерделі әңгіме-аңыздар айтылады. Серінің жанында Қадишаның отырғанын естіген ағалары екі жеңгесін жіберіп, қызды алып шығуды тапсырады. Алайда Қадиша орнынан козғалмайды, Аканның да жібергісі келмейді. Осы кезде таң атып, бойларында қимастық орнайды. Қадиша қайтуға жиналғанда, Ақан сері қолына домбырасын алып, «Күйеуің сексен бесте, о, шіркін, шал, Қадиша» деп әнді орындай бастайды.

Кейбір аңыз-деректерде Қадиша әу бастан қарт кісіге атастырылған, Қадиша кыздың Ақанның жа¬нында отырғанын естіген бойда, ақсақал Қадишаны кайтаруды бұйырған деп айтылады. Дегенмен Қадиша кыз үлкен кісіге емес, өз теңіне атастырылып, кейіннен ұзатылған. Мұны естіген Ақан қоштасу сәтінде туған әнін әрі қарай жетілдірген.

Кейінен ән кейіпкері Қадиша Сүлеймен деген текті атаның баласымен бас қосып, үлкен әулеттің босағасын аттаған.