1/1
қаралды 873

Есімдері ел тарихынан өз орындарын алған тұлғалар жетерлік. Солардың бірі – Асат Алпысұлы. Көне деректерге сүйенсек, ол 1827 жылы Қарашілік ауылына жататын, қазіргі Кішітүкті орман шаруашылығы орналасқан жерде дүниеге келіпті. Ауылға басшы болып, осы күні де ағып жаткан жергілікті бұлақтың көзін ашыпты. Бүгінде «Асат ата бұлағы» елді мекенге ерекше бір сән беріп тұрады. Одан әріректе болжаммен есімі аталған тарихи тұлға жерленген жер коршалып, басына мазар орнатылған.

Асат Алпысұлы туралы көптеген тарихи деректер бар. Олардың арасынан қазақ жеріне Ресейдің қоныс аударушылары келе бастаған кездегі мына оқиғаны айтуға болады. Болашақ қазақ станицаларына жер іздеген Омбының генерал-губернаторы аталған елді мекенге келеді. Бөтен ұлт көрмеген жергілікті тұрғындар жан-жаққа қашады. Тек Асат ата ғана еш қаймықпастан оларға қарсы шығады. Лектің алдында келе жатқан әскерилердің біреуіне оның батылдығы ұнамай, қамшымен тартып өтпекші болады. Атамыз оның қамшысын жұлып алады. Басқалары күш көрсете бастағанда генерал-губернатор колын көтеріп, тоқтатып, тілмәш арқылы кім екенін сұрайды. Жағдайды, алдында кімнің тұрғанын, Асат атаның тегін кісі еместігін түсінген ол бұл жерге станица салудан бас тартады. Генерал-губернатор мен Асат атаның арасында кейіннен достық карым-қатынас пайда болып, ол ел тыныштығын сақтауға үлкен сеп болады.

Асат бір ғана сөзімен небір даулы мәселелердің оң шешімін тауып отырған. Ел арасындағы дау-шарларды әділ билігімен, парасатты ақылымен, тапқыр, ойдағыдай кесімді пайымдауларымен мүлтіксіз тындырған.

Асат би Алпысұлы Зеренді ауданында жерленген.

Сізге сондай-ақ ұнауы мүмкін