1/1
қаралды 2015

Қызылжар жерінде дініне берік, Әліптомар деген дәулетті, тақуа адам болған екен. Мұсылманның бір парызын өтемек болып, жанына ұлын ертіп, Меккеге қажылыққа аттанады. Осы бір игі жолға аттанған Әліптомар тақуа сапардың бесінші күні аяқ астынан сырқаттанып, қазіргі Абай ауылының тұсына келгенде өмірден өтіп кетеді. Ел-жұрт жиналып, тақуаны мұсылман дәстүріне сай арулап көміп, жер қойнына тапсырады.

Кейіннен ұлы елде қалған жұртқа хабар беріп, тақуаның балалары әкесінің басына биік етіп мазар тұрғызады. Тақуаның мазары сол аумақта көп кездесетін ұсақ тастар, жылқы жалы мен өсімдік тамырларының қоспасынан құйылған өңделмеген кір- піштен жасалған. Мазар күңгірт және ашық түсті кірпіш қатарлары алмаса отырылып салынған. Әліптомар тақуаның жерленген орны ел арасында діни ғибадат ету орны болып саналады.
ХІХ-ХХ ғасыр ескерткіші Қорғалжын ауданы Абай ауылында орналасқан. Әліптомар қажының жерлен¬ген жері туралы естелік Ақмола тарихи-өлкетану музейінің қызметкері Н.В. Шивринаның айтуы бойынша жазып алынған.

Сізге сондай-ақ ұнауы мүмкін