1/1
қаралды 1857

Кесене Егіндікөл ауданы Жалманқұлақ ауылының солтүстік-шығысқа қарай, Егіндікөл ауылының биіктігіндегі Қоскөл шатқалында орналасқан. Бектемір сопы кесенесі – XVII-XIX ғғ. діни сәулет ескерткіш кешені.
Бектемір сопы уағыз айтушы, сол кезде балалардың білім алуына қамқоршы болып, ауылда медресе ашқан өте білімді адам болған. Замандастарының айтуынша, Бектемір сопының әділдігі мен шешендігімен қатар, мұсылмандық және теологиялық нормативтік заңдардың білгірі болған. Қазақ құкық нормалары мен шариғат жинағын жазып қалдырған. Халық бірлігі, ынтымағы, тәуелсіздігі мен туған өлкенің тұтастығын жақтаған.

Бектемір сопы өмірден өткен соң, оның басына кесене тұрғызылған. Камераға жарық кырлардағы ойықтардан және күмбездегі төбе саңылауынан түседі. Кесене жылқының, түйенің, ешкінің қылы жэне өсімдік тамырлары косылып иленген кірпіштен қаланған. Кесененің күмбезі сегіз қырлы тікбұрышты пирамида тәрізді жабылған. Күмбездің қолшатыр тәрізді жайылған бөліктері сегізқырлы негіздің төбе бөлігіндегі биіктетілген сфералық-конустық күмбезшелермен жалғасады.

Сізге сондай-ақ ұнауы мүмкін