1/1
қаралды 1690

Бізге жеткен аңыз деректері бойынша, Көкшетаудың маңында Абылай ханның есімімен байланыстырылған екі алаң бар: Үлкен жэне Кіші алаңдар. Осы орайда, «Абылай ханның Қызыл ағашы» деген жерде Абылай ханның басты алаңы орналасты деуге негіз бар. Бұл жерге жиырма жыл бұрын Бурабайдағы Абы­лай хан атындағы музейдің негізін калаушы, Көкшетау өлкетанушысы Әмина Тұрсынбаеваның ұсынысымен мәрмәр тас орнатылған және оған ақын Мағжан Жұмабаевтың жыр шумақтары жазылған:

 

Ертеде жел өтпейтін Қызыл агаш,

Дариға, бүл күндерде жап-жалаңаш.

Қабірінен әулиенің Алашқа артық,

Ертеде Абылайға Орда болған ағаш.

 

Аңызға сүйенсек, «Ханның Қызыл ағашы» деп аталатын бұл алаңда Абылай хан құрылтай, әскери жиналыстар, тағы да басқа көлемді іс-шаралар өткізіп отырған. Көкшетау тауының шығыс бөлігіндегі алаң «Абылай хан алаңы» деп аталды. Бұл жердің көркем табиғаты, Көкшетау таулары Абылай ханды дұрыс шешім қабылдауға шабыттандыратын деген аңыз сақталған. «Ханның Қызыл ағашы» деген топониммен бірге «Ханның Қызыл үйі» деген түсінік қалыптасқан, бұл жоғарыда аталған орыннан солтүстік-батыс бағытында орналасқан «Абылай ханның ордасы» деген ұғымды білдіретін.

 

Сізге сондай-ақ ұнауы мүмкін