Степногорск тарихи-өлкетану мұражайы 1994 жылы 6 қаңтарда Тың кен-химия комбинатының Еңбек Даңқы залы негізінде құрылды. “Рухани жаңғыру” бағдарламасын жүзеге асыру аясында Степногорск қаласы әкімдігі мен “Қазақалтын Technology” ЖШС қолдауымен мұражайда күрделі жөндеу жұмыстары және жаңа экспозицияны жасау бойынша көркемдік-безендіру жұмыстары жүргізілді.
Мұражай экспозициясы 5 залдан тұрады, олардың әрқайсысы ежелгі дәуірден қазіргі уақытқа дейінгі өлке тарихын бейнелейді: кіріспе залы, Табиғат және археология залы, этнография залы, Әскери Даңқ залы және “қазіргі заман”залы.
Кіріспе залда келушілерге Ақмола облысының картасы, “Степногорск қ.”, “Шантөбе алғашқы кеніштері”диорамалары ұсынылды.
“Табиғат және археология” залында бай археологиялық материал ұсынылған – бұл Степногорск қаласының маңындағы Шондынқорасы шатқалында өткен археологиялық экспедицияларда жиналған коллекциялар, “Су әлемі” және “дала”панорамалары.
Зал экспозициясы қазақ халқының өмір ерекшеліктерін, мәдениеті мен салт-дәстүрін бейнелейді.
“Жауынгерлік Даңқ залында” келушілерге Ұлы Отан соғысы ардагерлері мен Ауғанстандағы соғыс қимылдарына қатысушылардың фотогалереясы ұсынылды. Диорамаларда Ұлы Отан соғысы шайқастарының көріністері, сондай-ақ келушілер үшін майдангерлердің жеке заттары, майданнан келген хаттар ұсынылған.
“Қазіргі заман” залында қаланың өнеркәсіптік кәсіпорындары ұсынылған. Ақпараттық стендтер, макеттер мен экспонаттар, сондай-ақ қаланың және оның алғашқы құрылыстарының тарихымен байланысты фотоматериалдар, құжаттар, экспонаттар.
Мұражай Новосибирск қаласындағы Рерих қоғамымен белсенді жұмыс істейді.
Степногорск тарихи-өлкетану мұражайы қалалық ауқымдағы іс-шаралардың ұйымдастырушысы және қатысушысы, “Шекарасыз мұражай” және “Киелі жер Степногор”жобаларының авторы болып табылады.